Thirrje e hapur: Trajnim mbi ndryshimet klimatike dhe barazinë gjinore

Nëse je gazetar/e apo student/e i/e gazetarisë që ke kureshtje të veçantë për çështjet gjinore dhe ndryshimet klimatike, QIKA ka krijuar një program të veçantë për ty 😊

Ne ju ftojmë të aplikoni për të marrë pjesë në një trajnim dy-ditor të dizajnuar me qëllim që të ndihmojë në thellimin e dijës dhe ofrimit të informatave se si ndryshimet klimatike ndikojnë në jetën e grave dhe të sigurojë që hulumtimi dhe raportimi për këtë çështje të përmirësohen në Kosovë. Kësisoj, trajnimi përbëhet nga tre sesione: 

Ndryshimet klimatike: Sesion gjithëpërfshirës që ofron informacion esencial mbi ndryshimet klimatike dhe implikimet e saj më të gjera.

Gjinia dhe ndryshimet klimatike: Eksplorimi i ndërthurjes midis ndryshimeve klimatike dhe gjinisë, duke u fokusuar në efektet disproporcionale tek gratë.

Hulumtimi gazetaresk mbi pasojat e ndryshimeve klimatike: Trajnim praktik mbi hulumtimin dhe raportimin për temat që lidhen me ndryshimet klimatike dhe gjininë.

Të gjithë/a të interesuarit/at mund të aplikojnë në këtë thirrje publike përmes dërgimit të CV-së dhe një letre motivuese në office@qika.org me titull të emailit “Aplikim për trajnim dy-ditor mbi ndryshimet klimatike dhe barazinë gjinore”. Afati për aplikim është deri më 13 shtator në ora 16:00.  

Pas një vlerësimi nga ekipi i QIKA-s, vetëm 10 aplikantët më të përshtatshëm do të përzgjedhen për të ndjekur trajnimin.

Sqarim:
Kjo thirrje është hapur në kuadër të projektit “Barazia Gjinore në Zbutjen dhe Përshtatjen e Ndryshimeve Klimatike” i cili është përzgjedhur si fitues i thirrjes për “Skema e Mbështetjes së Shoqërisë Civile (CSS)” në kuadër të Forumit Ndërkombëtar për Gratë, Paqen dhe Sigurinë 2024. Kjo iniciativë mbështetet nga Zyra e Presidentës së Republikës së Kosovës dhe Qeveria Gjermane përmes Deutsche Gesellschaft für Internationale Zusammenarbeit (GIZ) GmbH.