QIKA lanson plaltformën e parë feministe në Kosovë për të dhëna të hapura

Të dhënat janë fuqi, por deri tani kanë qenë më shumë në dorë dhe shërbim të burrave. T’i përdorim ato për të luftuar shtypjen e pabarazinë që përjetojnë gratë!

Për 8 mars, QIKA lanson plaltformën e parë feministe në Kosovë për të dhëna të hapura, e cila në mënyrë interaktive shfaqë informata të detajuara për rastet e dhunës në familje, të ndara sipas gjinisë, komunës, përkatësisë etnike, mënyrës se si rastet janë zgjidhur, hapave që kanë ndërmarrë institucionet etj.

Duke e konsideruar këtë platformë si mjet të rëndësishëm për të pasqyruar pabarazitë gjinore, QIKA synon që në të ardhmen përveç përditësimit të të dhënave ekzistuese, të zgjerojë platformën “1≠1” duke shtuar të dhëna të ndara sipas gjinisë në fusha si arsimi, punësimi, shëndetësia, pronësia, buxheti publik, etj. Publikimi i këtyre të dhënave na ndihmon në vlerësimin e progresit në çdo angazhim të bërë për promovimin e barazisë gjinore dhe është një mundësi e mirë për të ndihmuar institucionet e vendit në hartimin e politikave të përgjegjshme gjinore dhe monitorimin e politikave ekzistuese nga perspektiva gjinore.