Dyshohet se një burrë vrau një grua dhe më pas veten në Vushtrri

Një ngjarje e rëndë ka ndodhur sot në Vushtrri, ku raportohet për një vrasje të dyfishtë. Sipas informacioneve të para, dyshohet se një burrë fillimisht ka vrarë një grua dhe më pas ka kryer vetëvrasje.

Lajmin e ka konfirmuar për RTK-në zëdhënësi i Prokurorisë Themelore në Mitrovicë, Valon Preteni.

“Prokurori kujdestar është në vend të ngjarjes. Dy persona janë të vrarë, një burrë dhe një grua. Dyshohet se fillimisht burri ka vrarë një grua, pastaj veten”, konfirmon ai.

Rrethanat e plota të rastit janë ende duke u hetuar nga autoritetet.