Gratë në mediat sportive janë të rraskapitura dhe është koha që burrat të flasin për këtë çështje

Javën e kaluar ka pasur shumë zhurmë rreth AFLW (Ligës së Futbollit të Grave). Finalja nisi në Arden Street të shtunën. Natalie Wood u njoftua se do të ishte trajnere e lartë për ekipin e Essedon, duke u bashkuar me Bec Goddard në Hawthorn si e dyta nga vetëm dy trajneret gra në këtë ligë. Wood është një figurë shumë e vlerësuar dhe emërimi i saj është dëshmi e talentit të jashtëzakonshëm dhe punës së palodhur. Vendimi është duartrokitur botërisht.

Këto janë temat që duhet të mbizotërojnë bisedën sportive tani. Megjithatë, mediat në vend të kësaj janë fokusuar tek pasojat nga një video e një gazetari të shquar të Fox Sports, Tom Morris, i cili përdori sharje seksiste dhe homofobike në një bisedë në WhatsApp për të përshkruar një kolege. Morris u shkarkua menjëherë nga Fox pas një hetimi dhe që atëherë ka kërkuar falje publike.

Duke pasur parasysh këto zhvillime, është joshëse për disa që të supozojnë se kjo ishte ngjarje e rastësishme dhe se është koha për ta harruar. Mirëpo këtë nuk e thonë gratë në mediat sportive.

Shtatë vjet më parë, një tjetër gazetare, Caroline Wilson, ishte viktimë e një sulmi poshtërues dhe mizogjenik nga kolegu Eddie McGuire. Mund të marrim shpresë nga sanksionet e shpejta dhe vendimtare të Fox Sports në vitin 2022. Në mënyrë të ngjashme, ka pasur një rritje të theksuar të numrit të grave që punojnë në mediat sportive (edhe pse kjo nuk trajton mungesën e diversitetit racor, kulturor, gjinisë, seksualitetit ose linjave të aftësisë së kufizuar). Ka pasur përqafim të programeve të shkëlqyera, të tilla si Change the Game dhe Making the Call, të cilat po krijojnë mundësi mediatike sportive për shumë gra të mbikualifikuara, por të pambështetura.

Megjithatë, ka një rrugë të gjatë për të bërë. Por kjo nuk duhet t’i lihet vetëm grave. Gratë në mediat sportive janë të rraskapitura. Në fakt të gjitha gratë, jo vetëm ato në media sportive. Jemi lodhur duke mbajtur ngarkesën emocionale dhe psikologjike të luftës për të drejtën për t’u ndjerë të sigurta – në punë, në shtëpi, në futboll, në institucionet tona politike – një e drejtë që shumica e burrave mund ta marrin si të mirëqenë. Është përtej kohës që burrat të flasin – përpara se këto biseda të bëhen ushqim mediatik. Është koha që burrat të rrisin zërin për këtë çështje. Sinqerisht, është problemi i tyre po aq sa i yni.

Nicole Hayes