Të drejtat e njeriut prej kohësh janë konsideruar si një koncept perëndimor, por studimet e fundit kanë zbuluar ndikimin e grave nga jugu global, siç është ndikimi i Hansa Mehta, shkruan The New York Times.
Për Mehta, të drejtat e grave ishin të drejta njerëzore. Ajo avokoi për barazinë sociale dhe politike të grave dhe të drejtën e tyre për arsimim. Në vitin 1947, ajo ishte një nga dy gratë delegate në Komisionin e Kombeve të Bashkuara për të Drejtat e Njeriut, ku kundërshtoi formulimin e Nenit 1 të Deklaratës Universale të të Drejtave të Njeriut duke sugjeruar ndryshimin e frazës “të gjithë burrat” në “qenie njerëzore”.
Mehta ishte një nga tri gratë që hartuan Kartën e të Drejtave dhe Detyrave të Grave Indiane në vitin 1945, e cila afirmoi barazinë e të drejtave për arsim, votë, pagë dhe shpërndarje të barabartë të pronës. Ajo u bashkua me Mohandas K. Gandhi në lëvizjen për pavarësinë e Indisë dhe u burgos tri herë për protestat e saj.
Si themeluese e Konferencës së Grave të Gjithë Indisë dhe më vonë presidente e saj, Mehta lidhte luftën politike për pavarësinë e Indisë me përmirësimin e gjendjes së grave dhe kërkonte barazi të vërtetë mes burrave dhe grave.
Për Mehta, të drejtat e grave ishin të drejta njerëzore, dhe në të gjitha përpjekjet e saj ajo ngriti pjesëmarrjen e grave në sferat publike dhe politike në lartësi të reja.