Prokuroria ka ngritur aktakuzë kundër Valon Sylës për lëndim të lehtë trupor

Prokuroria Themelore në Prishtinë ka konfirmuar për QIKA se me 19 gusht, 2025, ka ngritur aktakuzë kundër Valon Sylës për veprën penale ”Lëndim i lehtë trupor” nga neni 185 të Kodit Penal të Republikës së Kosovës.

“Lidhur me kërkesën tuaj ju njoftojmë, se pas përfundimit të hetimeve,  me datë 19/08/2025, është ngritur aktakuzë kundër të pandehurit V.S., për veprën penale ”Lëndim i lehtë trupor” nga neni 185 të Kodit Penal të Republikës së Kosovës”, thuhet në përgjigjen e Prokurorisë.

Kujtojmë se në muajin qershor të këtij viti, Valon Syla u arrestua nga policia për dhunë në familje dhe lëndim të lehtë trupor.