Një në katër shtete shënon regres në të drejtat e grave

UN Women ka publikuar raportin “Women’s Rights in Review 30 Years After Beijing”, sipas së cilit të drejtat e grave dhe vajzave po përballen me kërcënime të paprecedenta në mbarë botën – nga rritja e diskriminimit, përkeqësimi i mbrojtjes ligjore, deri te reduktimi i fondeve për programet dhe institucionet që i mbështesin dhe i mbrojnë ato.

Raporti dëshmon së në vitin 2024 një e katërta e shteteve në mbarë botën raportuan regres sa u përket të drejtave të grave dhe vajzave.

Sipas raportit:

Pavarësisht progresit të bërë, vetëm 87 vende janë udhëhequr ndonjëherë nga një grua.

Një grua apo vajzë vritet çdo 10 minuta nga partneri intim ose një anëtar i familjes.

Teknologjia dixhitale dhe inteligjenca artificiale përhapin stereotipe të dëmshme, ndërsa hendeku dixhital gjinor po kufizon mundësitë e grave.

Në dekadën e kaluar, bota regjistroi një rritje shqetësuese prej 50 % të numrit të grave dhe vajzave që jetojnë në konflikt.

Aktivistet për të drejta të grave përballen me ngacmimet e përditshme, sulme personale dhe madje edhe vdekjen.

Krizat e fundit globale – si COVID-19, ndryshimet klimatike, rritja e çmimeve të ushqimeve dhe karburanteve po thellojnë më tutje pabarazitë dhe rrisin urgjencën për veprime konkerete.

“Globalisht, të drejtat e njeriut janë nën sulm. Në vend të integrimit të të drejtave të barabarta, ne po shohim integrimin e mizogjinisë. Ne duhet të qëndrojmë të palëkundur në realizimin e të drejtave të njeriut, barazisë dhe fuqizimit real për të gjitha gratë dhe vajzat, për të gjithë, kudo,” tha António Guterres, Sekretari i Përgjithshëm i OKB-së.

Raportin e plotë e gjeni këtu.