Arrestohet një i dyshuar për dhunim të një të miture në Istog

Një burrë kosovar, rreth 55 vjeç, është arrestuar në Istog nën dyshimin se ka kryer veprën penale të dhunimit ndaj një të miture, ka raportuar Policia e Kosovës.

Sipas raportit ditor të Policisë së Kosovës, rasti është raportuar më 29 janar 2026 rreth orës 14:10. I dyshuari është arrestuar dhe, pas intervistimit, me vendim të prokurorit është dërguar në mbajtje.

“Istog / 29.01.2026 – 14:10.Është arrestuar i dyshuari mashkull kosovar nën dyshimin se ka kryer veprën e lartcekur ndaj viktimës femër kosovare. Me vendim të prokurorit i dyshuari është dërguar në mbajtje”, thuhet në raportin e policisë.

Rasti është duke u trajtuar nga organet e drejtësisë.