27 raste të dhunës ndaj grave brenda tri ditëve në Kosovë

27 raste të dhunës në bazë gjinore janë raportuar në Policinë e Kosovës brenda tri ditëve. Sipas të dhënave, të hënën janë raportuar 10 raste, të martën 6, ndërsa të mërkurën 11 raste.

Këto raportime janë bërë nga e hëna deri të mërkurën, derisa ende nëpër qytetet e Kosovës po protestohet pas vrasjes së Arlinda Zekajt në Pejë, dhe po adresohet dhuna në familje dhe dështimi i institucioneve për të mbrojtur viktimat.