Artistja Ms. Indefinite me ekspozitë kundër dhunës ndaj grave

Artistja feministe Ms. Indefinite më 25 nëntor ka hapur ekspozitën “Motrat tona” në Muzeun Kombëtar të Kosovës.

Kjo ekspozitë, e hapur në kuadër të fushatës ndërkombëtare “16 ditët e aktivizmit kundër dhunës me bazë gjinore”, është formë e aktivizmit artistik feminist kundër dhunës ndaj grave, në të gjitha format e ushtrimit të saj. Ekspozita paraqitet përmes pesë videoinstalimesh dhe dy instalacionesh pasqyruese, të shoqëruara nga një performancë e cila u ekzekutua në ditën e hapjes.

Sipas artistes, “Motrat tona” rikonceptualizon ikonën e “Motrës Tone” dhe e rikontekstualizon në aktualitetin e përditshmërisë së “Motrave tona”, që janë viktima të dhunës mbi bazë gjinore. Poashtu motërzon pikturën shqiptare “Motra Tone”, të piktorit Kolë Idromeno.

Këtu mund të gjeni disa pamje nga ekspozita: https://www.facebook.com/watch/?v=728160445498239