Në Mexico City protestohet kundër vrasjeve të grave

Qindra gra marshuan në qendër dhe periferi të qytetit të Meksikos të dielën për të protestuar kundër vrasjes së tmerrshme të një 18-vjeçareje në qytetin verior të Monterrey-t. Protestueset marshuan gjithashtu në periferi të Nezahualcoyotl, ku dy gra u vranë javën e fundit. Gratë protestuese mbanin pankarta ku shkruhej “Ndalni ngacmimet” dhe “Meksika është një varr masiv”.

Në Mexico City, marshimi ishte kryesisht paqësor, ndryshe nga shumë demonstrata të mëparshme për të drejtat e grave në vitet e fundit. Protestueset nuk vandalizuan The Angel – një monument prej guri që përkujton pavarësinë e vendit. Në vend të kësaj, ato ngjitën postera të ku secili përshkruan zhdukjen e një gruaje. Shumë prej posterave përshkruanin Debanhi Escobar, trupi i së cilës u gjet në një cisternë të një moteli në Monterrey, pothuajse dy javë pasi ajo ishte zhdukur. Në përgjithësi në Meksikë, numri i personave të zhdukur të të gjitha gjinive është rritur në mbi 100,000.

Aktivistet thonë se policia dhe prokurorët kanë qenë të ngadalshëm dhe joefektiv në hetimin e rasteve. Këto kritika u përforcuan kur babai i Debanhi Escobar tha se autoritetet e kishin kontrolluar motelin disa herë. Por vetëm pasi punëtorët raportuan një erë të keqe që vinte nga një rezervuar uji nëntokësor, hetuesit më në fund gjetën trupin e saj. Ajo kishte vdekur nga një goditje në kokë.

Vitet e fundit vrasjet e grave janë rritur në Meksikë, nga 977 në 2020 në 1015 në 2021. Zhdukjet e grave mbeten të larta, me rreth 1600 gra të raportuara të zhdukura deri më tani këtë vit. Zyrtarët thonë se 829 prej tyre janë ende në listë si të zhdukura dhe 16 u gjetën të vdekura.