Alb Eng
Për QIKA
Lajme

Sindromi para-menstrual (PMS) tani njihet si çështje e shëndetit publik

QIKA 12.9.2022

Sipas një studimi të ri, ndryshimet e humorit dhe ankthi para menstruacioneve janë aq të zakonshme sa ato përfaqësojnë një çështje kyçe të shëndetit publik globalisht. Studiuesit nga Universiteti i Virxhinias thonë se 64% e grave përjetojnë këto simptoma.

Ky studim zbulon se shumica e grave përjetojnë simptoma të sindromit premenstruale (PMS) para çdo cikli menstrual, simptoma të cilat ndikojnë rregullisht në jetën e tyre të përditshme. Pavarësisht nga mosha, një nga simptomat më të zakonshme të PMS të raportuara është luhatjet e humorit ose ankthi. Në të gjitha grupmoshat, të paktën 61% e grave raportojnë simptoma të lidhura me humorin gjatë çdo cikli menstrual. Studiuesit shpjegojnë se simptomat e ndryshimit të humorit para menstruacioneve ose edhe gjatë ciklit janë një çështje kyçe e shëndetit publik globalisht.

“Studimi ynë tregon se simptomat e humorit paramenstrual janë tepër të zakonshme në mbarë botën,” thotë autorja e studimit Jennifer L. Payne, MD, drejtore e Programit të Hulumtimeve të Psikiatrisë Riprodhuese në Shkollën e Mjekësisë të Universitetit të Virxhinias, në një njoftim universitar. “Më e rëndësishmja është se shumica e grave raportuan se simptomat e tyre premenstruale interferojnë në jetën e tyre të përditshme” – thotë ajo.

Autorët e studimit fillimisht u përpoqën të kuptojnë më mirë spektrin e simptomave të PMS që përjetojnë gratë, si dhe se si ato simptoma ndikojnë në jetën e tyre të përditshme. Për këtë qëllim, ekipi analizoi mbi 238,000 përgjigje të grave të anketuara midis moshave 18 dhe 55 vjeç që jetojnë në 144 vende.

QIKA

Qendra për Informim, Kritikë dhe Aksion - QIKA është organizatë e themeluar në gusht të vitit 2020, që për qëllim ka mbrojtjen dhe promovimin e të drejtave të barabarta për të gjithë qytetarët e Republikës së Kosovës.