Alb Eng
Për QIKA
Lajme

Adoleshenjta shpikë një lloj të ri të kartave duke promovuar barazinë gjinore

QIKA 31.3.2021

16 vjeçarja, Maayan Segal, lansoi versionin e dytë të pakos së kartave të lojës që përmban llojllojshmëri etnike dhe gjinore të vizatimeve.

Në versionin e parë të “Queeng” mbretëresha dhe mbreti morën vlera të njëjta, dy nga xhandarët u bënë princesha si dhe xhokeri u dizajnua si grua. Ky version u lansua para tre vitesh dhe shiti mbi 50,000 pako.

Sidoqoftë, përveç lëvdatave për punën e bërë, Segal pranoi edhe sugjerime për përmirësimin e mëtutjeshëm të kartave. Kështu së bashku me babain e saj që është edhe bashkëthemelues i “Queeng”, nisën punën për versionin e dytë.

Së pari ata tentuan të zbehin hierarkinë në kartat e lojës. Në pakon e re “Monarkët”, të cilët mund të jenë gra ose burra, zëvendësuan mbretin. “Dukesha” ose “Duka” zëvendësuan ish-mbretëreshën, si dhe “Princesha” ose “Princi” zëvendësuan Xhandarin. Këto karta poashtu shpërfaqin llojllojshmëri racore dhe etnike, raporton CNN.

“Ne u kthyem sërish në tavolinën e vizatimit dhe filluam nga e para. Donim të krijonim një pako e cila vërtetë paraqet botën tonë dhe vlerëson gamën e bukur të kulturave dhe paraqitjeve” kishe shkruar ajo.

QIKA

Qendra për Informim, Kritikë dhe Aksion - QIKA është organizatë e themeluar në gusht të vitit 2020, që për qëllim ka mbrojtjen dhe promovimin e të drejtave të barabarta për të gjithë qytetarët e Republikës së Kosovës.