AGK inicion themelimin e Rrjetit të Grave Gazetare

Dje, Asociacioni i Gazetarëve të Kosovës (AGK) përmes një komunikate ka njoftuar se kanë iniciuar themelimin e Rrjetit Joformal të Grave Gazetare. Në takimin informues të mbajtur dje mes AGK-së dhe organizatave partnere kanë nisur punimet për të themeluar këtë rrjet, i cili ka për qëllim që të vlerësoj dhe identifikojë sfidat, nevojat dhe mundësitë për gazetaret e Kosovës.

Aktivitetet që do të realizohen në kuadër të këtij rrjeti poashtu do të kontribuojnë në avancimin e barazisë gjinore dhe parandalimin e dhunës, si dhe do të promovojnë ambient të sigurtë e mbështetës për gratë gazetare.

“Ky Rrjet do vlerësojë dhe identifikojë situatën aktuale, nevojat, mangësitë dhe mundësitë për koleget gazetarë në Kosovë. Gjithashtu, se ky Rrjet, do të jetë në përputhje me objektivat strategjike të përshkruara në Programin e Kosovës për Barazi Gjinore 2020-2024 dhe Strategjinë e Kosovës për Mbrojtjen nga Dhuna në Familje dhe Dhuna ndaj Grave 2022-2026. Në takim u diskutua se aktivitetet e realizuar në këtë Rrjet, do të kontribuojnë në mënyrë efektive në qëllimet kombëtare të barazisë gjinore dhe parandalimit të dhunës. Gjithashtu, do të krijojnë një mjedis më mbështetës dhe gjithëpërfshirës për gratë gazetare në Kosovë, duke ua lehtësuar kryerjen e detyrave profesionale”, thuhet në komunikatën e AGK-së.

Komunikatën e plotë e gjeni në: https://www.facebook.com/share/p/7DUFBnJcf7hwu6i1/