Institucioni i Avokatit të Popullit ka reaguar duke shprehur shqetësimin lidhur me denoncimet e fundit për ngacmimet seksuale në Universitetin e Prishtinës.
Teksa theksoi se sipas Kodit Penal të Republikës së Kosovës, përkatësisht neni 183, ngacmimi seksual përcaktohet dhe sanksionohet si vepër penale, Avokati i Popullit rikujtoi edhe se Kushtetuta e Kosovës garanton pacenueshmërinë dhe respektimin e integritetit fizik të secilit/ës.
Në reagim bëhet thirrje edhe për mbrojtjen dhe mbështetjen e viktimave të ngacmimit seksual, si dhe kërkohet që të nis një debat i hapur publik që ka për qëllim ngritjen e vetëdijes së qytetarëve, sidomos të vajzave e të grave që rastet t’i raportojnë tek autoritetet përgjegjëse.
“Avokati i Popullit kërkon nga autoritetet përgjegjëse që të ndërmerren të gjitha masat e përshtatshme për parandalimin, identifikimin, raportimin dhe trajtimin e këtyre rasteve në mënyrë efektive dhe me urgjencë”, thuhet në reagimin e Avokatit të Popullit.
Reagimin e plotë e gjeni në: