Në Barcelonë ka rreth 50 gra më pak që flenë ne rrugë sesa në janar të vitit 2020. Kjo do të thotë se ka pasur një rënie prej 35% në numrin e grave të pastreha në qytet.
Këshilli i qytetit të Barcelonës beson se kjo rënie vjen si rezultat i krijimit të hapësirave të reja për gratë që kërkojnë strehim, si pjesë e një përpjekjeje të ringjallur për të çrrënjosur fenomenin e mungesës së strehimit. Një nga këto hapësira të reja vetëm për gra që janë shfaqur në Barcelonë është qendra rezidenciale La Llavor e cila ka 40 shtretër dhe u hap në tetor.
La Llavor inkurajon banueset e saj të marrin pjesë në projekte dhe të hartojnë itinerare që do t’i ndihmojnë ato të arrijnë autonominë e plotë. Këshilltarja e Barcelonës për të drejtat sociale, Laura Pérez, ka theksuar rëndësinë e projektimit të hapësirave ku gratë ndihen më rehat.