Alb Eng
Për QIKA
Lajme

New Jersey do të mbyllë burgun e vetëm të grave në shtet, pas sulmeve të tmerrshme nga rojet

QIKA 8.6.2021

New Jersey ka vendosur të mbyllë institucionin e tij të vetëm korrektues të grave pas një hetimi të pavarur rreth burgjeve dhe dhunës ndaj të burgosurave.

Të paktën 10 roje në Institucionin Korrektues për Gra – “Edna Mahan” janë akuzuar në një hetim shtetëror për sulmet kundër të burgosurave që ndodhën më 11 janar. Guvernatori i New Jersey, Phil Murphy tha të hënën se ai synon të mbyllë këtë institucion, megjithëse nuk ofroi një plan se si kjo do të ndodhë.

“Jam thellësisht i shqetësuar dhe i neveritur nga sulmet e tmerrshme që ndodhën më 11 janar”, tha Murphy. “Gratë në paraburgim shtetëror meritojnë të trajtohen me dinjitet dhe respekt dhe oficerët e përfshirë në këtë incident, në mënyrë direkte dhe indirekte, abuzuan me fuqinë e tyre për të dërguar një mesazh se ishin në krye të tyre”, shtoi ai.

Një e burgosur u dërgua në një dhomë dhe iu dha urdhër të zhvishej, në prani të oficerëve burra, por ajo refuzoi. Oficerët burra u larguan nga dhoma dhe e burgosura ende refuzoi të zhvishej, megjithëse sipas raportit ajo bëri një koment verbal të dëgjuar që tregonte se ajo mund të kishte diçka të fshehur në organet gjenitale.

Oficerët filluan t’i prisnin rrobat e saj dhe në një moment e dërguan në një qeli ku rreth katër ose pesë oficerë u panë duke e grumbulluar, por ajo nuk ishte e dukshme në kamera, tha raporti. Ajo mbeti pa ndjenja dhe e zhveshur në dysheme. Një raport zyrtar tha se ajo ishte e padëmtuar dhe refuzoi vlerësimin mjekësor. Por raporti i një infermiereje deklaroi se e burgosura kishte gërvishtje, mavijosje të dukshme ngjyrë vjollce dhe një krah të thyer. E burgosura gjithashtu u tha hetuesve se një oficer i korrigjimit e lëndoi duke i shkaktuar asaj gjakderdhje vaginale.

Prokurori i Përgjithshëm i New Jersey, Gurbir S. Grewal ka ngritur akuza kundër 10 anëtarëve të stafit të korrigjimeve, tetë burra dhe dy gra dhe ka thënë që zyra e tij do të vazhdojë të hetojë incidentin. Akuzat e paraqitura deri më sot ndryshojnë, por përfshijnë sjellje të pahijshme zyrtare, sulme të rënda dhe ndërhyrje në regjistrat publik.

QIKA

Qendra për Informim, Kritikë dhe Aksion - QIKA është organizatë e themeluar në gusht të vitit 2020, që për qëllim ka mbrojtjen dhe promovimin e të drejtave të barabarta për të gjithë qytetarët e Republikës së Kosovës.