Alb Eng
Për QIKA
Lajme

Protestohet kundër mbylljes së organizatës turke për të drejtat e grave

QIKA 27.4.2022

Qindra njerëz demonstruan të shtunën në disa qytete turke, përfshirë Stambollin dhe Ankaranë, kundër mbylljes së një prej grupeve më të organizuara të vendit për të drejtat e grave.

Një prokuror i Stambollit ngriti të mërkurën një padi që synon mbylljen e shoqatës për “aktivitet kundër ligjit dhe moralit”. Fidan Ataselimi, sekretari i përgjithshëm i organizatës We Will Stop Femicide, tha se padia akuzon grupin për kryerjen e aktiviteteve që shkelin “ligjet dhe moralin” e Turqisë.

Organizata We Will Stop Femicide, ishte një kritike e zëshme e vendimit të Presidentit Rexhep Tajip Erdogan vitin e kaluar, i cili tërhoqi Turqinë nga Konventa e Stambollit, e cila u kërkon vendeve të vendosin ligje që synojnë parandalimin dhe ndjekjen penale të dhunës ndaj grave.

Sipas të dhënave të organizatës, vitin e kaluar u vranë 280 gra në Turqi, ku shumë prej vrasjeve u kryen nga anëtarët e familjes. 217 gra të tjera vdiqën në rrethana të dyshimta, përfshirë ato që zyrtarisht u regjistruara si vetëvrasje. Padia akuzon organizatën për “shkatërrimin e familjes me pretekstin e mbrojtjes së të drejtave të grave, raporton France24.

“Mos i gjykoni gratë, por vrasësit!” ishte një nga sloganet e cila u tha zëshëm nga qindra protestues të mbledhur në Stamboll. Gjithashtu në demonstratë morën pjesë përfaqësues të partive opozitare si dhe të afërm të viktimave.

QIKA

Qendra për Informim, Kritikë dhe Aksion - QIKA është organizatë e themeluar në gusht të vitit 2020, që për qëllim ka mbrojtjen dhe promovimin e të drejtave të barabarta për të gjithë qytetarët e Republikës së Kosovës.