Shumë gra tani po e mposhtin kancerin e hershëm të gjirit

Të gjeturat e British Medical Journal tregojnë se shumica e grave me kancer të hershëm të gjirit tani po e mposhtin sëmundjen falë përmirësimeve të mëdha në trajtime përgjatë viteve të fundit. Rreziku i pacienteve me kancer të gjirit për të vdekur brenda pesë viteve nga diagnoztifikimi, vlerësohej të ishte rreth 5% krahasuar me 14% në vitet 1990. Cancer Research UK thotë se kjo ofron siguri për shumë gra, por paralajmëron se nevojitet staf më i trajnuar për të përmbushur kërkesën në rritje.

Analiza BMJ gjurmoi më shumë se gjysmë milioni gra me kancer të hershëm, invaziv të gjirit – kryesisht në fazën e parë dhe të dytë – të diagnostikuar në vitet 1990, 2000 dhe midis 2010 dhe 2015. Ai zbuloi se prognoza për pothuajse të gjitha gratë është përmirësuar ndjeshëm që nga vitet 1990, ku shumica janë bërë të mbijetuara afatgjate të kancerit. Studiuesit të udhëhequr nga Universiteti i Oksfordit thonë se gratë e diagnostikuara sot kanë gjithashtu një rrezik shumë më të ulët.

“Ky është një lajm i mirë për mjekët dhe pacientët,” thotë onkologu dhe studiuesi kryesor Prof Carolyn Taylor.

Për dy të tretat e grave të diagnostikuara kohët e fundit, rreziku i tyre pesëvjeçar i vdekjes nga kanceri i gjirit ishte më pak se 3%, por për një në 20 gra ishte 20% ose më i lartë. Prognoza varet nga mosha e pacientes, lloji i kancerit të gjirit dhe shëndeti themelor, ndër faktorë të tjerë.