Për herë të parë vajzat do të pranohen në një shkollë muzike kishtare dhe në një nga koret më të famshëm të djemve në Gjermani – Regensburger Domspatzen. Qyteti bavarez i Regensburgut ka pasur një kor djemsh në katedralen e tij katolike romake që nga viti 975.
Nga viti i ardhshëm, vajzat e trajnuara në shkollë do të bashkohen në korin e ri të vajzave. Vajzat do të këndojnë gjithashtu në shërbesat e kishës.
Vendimi për të hapur këtë shkollë të mesme edhe për vajza në 2022 u mor unanimisht nga guvernatorët që e drejtojnë shkollën, raporton faqja e internetit e katedrales.
“Kori për vajza dhe gra do të jetë një shtyllë e re muzikore shtesë në muzikën e katedrales Regensburg”, thuhet në deklaratë.