Ligji i ri i Teksasit mbi abortin shkakton protesta të shumta

Më 1 shtator në Teksas hynë në fuqi kufizimet e reja ekstreme mbi abortin, gjë që shtyu shumë protestues në Bashkinë e Dallasit të shprehnin haptas kundërshtimin e tyre. Disa u veshën si personazhe nga The Handmaid’s Tale (Tregimi i shërbëtores), seriali televiziv në të cilin bëhet fjalë për një vend të sunduar nga një regjim fundamentalist që i trajton gratë si pronë të shtetit.

Ligji i “rrahjes së zemrës” ndalon abortet qysh nga gjashtë javët e para të shtatzënisë edhe pse gratë vështirë se e dinë që janë shtatzënë në atë kohë. Grupet mjekësore kanë vënë në dukje se embrionet mund të mos kenë ende zemra në gjashtë javët e para të shtatzënisë. Ligji nuk bën përjashtim për përdhunimin ose incestin dhe poashtu i vë qytetarët kundër njëri -tjetrit pasi që ligji do të zbatohet vetëm përmes veprimeve civile private.

Gjyqtari i Qarkut të Dallas, Clay Jenkins tha se “për fat të keq, udhëheqësit e shtetit tonë janë kthyer kundër Teksasit dhe po përpiqen të kthejnë popullatën e Teksasit kundër njëri -tjetrit”.

“Ata me vetëdije miratuan një ligj anti-kushtetues që krijon një skemë cinike, duke shpërblyer një shumë prej 10,000 dollarësh për qytetarët që pushtojnë privatësinë e grave shtatzëna dhe mjekëve të tyre”, tha ai.

“Shërbëtoret” e së martës ishin anëtare të grupit të Zërave të Grave të Floridës Jugperëndimore që kanë për synim të mbrojnë liritë civile lirinë mbi riprodhimin.