Alb Eng
Për QIKA
Lajme

Mentor Shala i RTK-së përdorë gjuhë seksiste ndaj deputetes Doarsa Kica-Xhelili

QIKA 18.6.2021

Zëvendësdrejtori i Radio Televizionit të Kosovës, Mentor Shala, ka reaguar me një gjuhë të papranueshme ndaj deputetes së listës ‘Guxo’, Doarsa Kica-Xhelili, e cila në një intervistë gjatë mbrëmjes së djeshme e kishte përmendur atë, si zyrtar të RTK-së, raporton Gazeta Express.

Shala përmes një postimi në rrjetin social “Facebook”, ka thënë se po i duket se Doarsa e ka mendjen vetëm tek ai dhe e ka ftuar për një takim.

“Doarsa bukuroshja paska fol mbrame prap për mu. Shumë bre ka qef me ma përmend emnin. Po më duket vetëm te unë e ka mendjen! A e caktojmë një takim Doarsë, për drekë a për darkë a? Që don i thrrasim edhe ato mikeshat e tua në RTK! Knaqemi edhe t’kallxoj krejt për RTK-në, edhe nime e kupton çka është RTK-ja! E miqt e RTK-së?! Jo valla s’pi thrrasim!

Kallxom, kur po dalim, Doarsë!”, është shprehur Shala në Facebook-un e tij.

Kica – Xhelili kishte folur për të, pasi është kryetare e Komisionit parlamentar për media, e në një mbledhje të tij ishte diskutuar për televizionin publik.

QIKA

Qendra për Informim, Kritikë dhe Aksion - QIKA është organizatë e themeluar në gusht të vitit 2020, që për qëllim ka mbrojtjen dhe promovimin e të drejtave të barabarta për të gjithë qytetarët e Republikës së Kosovës.