Në kujtim të Madeleine Albright

Madeleine Albright, sekretarja e parë grua e SHBA-së, e cila mbërriti atje si një vajzë e re nga Çekosllovakia, vdes në moshën 84 vjeçare.

Nën presidencën e Bill Clinton, ajo u emërua në rolin e përfaqësueses së përhershme të SHBA-së në Kombet e Bashkuara në vitin 1993, ku u bë avokuese e një politike të “multilateralizmit pohues”, duke argumentuar përfshirjen e SHBA-së në konfliktet në Ballkan. Në vitin 1996, Presidenti Clinton emëroi Albright sekretare të shtetit. Në këtë pozitë ajo nxiti zgjerimin e NATO-s, zgjerimin e tregjeve të lira dhe krijimin e shoqërive civile në shtetet në zhvillim.

Albright, e cila u emërua sekretare e shtetit nga viti 1997 deri në vitin 2001, ishte ithtare e ndërhyrjes ushtarake, kështu ajo nxiti zgjerimin e NATO-s drejt lindjes në ish-bllokun sovjetik dhe ndihmoi në udhëheqjen e fushatës së bombardimeve të NATO-s në vitin 1999 për të ndalur spastrimin etnik në Kosovë, i cili përfundoi pas 11 javësh me sulme ajrore. Ajo gjithashtu formësoi politikën e jashtme të SHBA-së në Irak dhe Bosnje-Hercegovinë, duke nxitur veprime ushtarake në të dyja vendet.

Pas kohës së saj në administratën e Klintonit, Albright themeloi një firmë të konsulencës për strategji ndërkombëtare dhe shërbente në bordin e drejtorëve për Këshillin për Marrëdhëniet me Jashtë; në vitin 2016, ajo u bë profesore e diplomacisë në Shkollën e Shërbimit të Jashtëm të Universitetit Georgetown dhe mbajti poste të nivelit të lartë me organizata të shumta progresive, duke përfshirë Institutin e Hagës për Drejtësi Globale, Projektin Botëror të Drejtësisë dhe Komisionin për Fuqizimin Ligjor të të Varfërve.

Gjatë gjithë jetës dhe karrierës së saj, Albright ruajti një humanizëm të rrallë. “Kam kaluar një jetë duke kërkuar zgjidhje për të gjitha llojet e problemeve të jetës – personale, sociale, politike, globale,” shkroi Albright për Prague Winter: A Personal Story of Remembrance and War.

Në vitin 2012, Obama i dha Albright Medaljen Presidenciale të Lirisë. Pas karrierës së saj diplomatike, Albright, autorja e disa librave më të shitur, u bë simbol i fuqizimit të grave.