Një në tre shtete nuk bën progres për të drejtat e grave

Një raport i ri ka gjetur se ndërsa shumica e vendeve po bëjnë njëfarë progresi drejt barazisë gjinore, kjo po ndodh shumë ngadalë për të përmbushur Objektivat e Zhvillimit të Qëndrueshëm (SDG) të OKB-së deri në vitin 2030. Përveç kësaj, një e treta e vendeve të analizuara nuk kanë bërë asnjë përparim që nga viti 2015.

Indeksi gjinor i SDG 2022, i zhvilluar nga Equal Measures 2030, ofron një pasqyrë se ku qëndron bota sa i përket barazisë gjinore në lidhje me SDG-të e OKB-së, të cilat synojnë të arrijnë një cilësi të mirë jete për të gjithë dhe një mjedis të shëndetshëm deri në vitin 2030. Qëllimet variojnë nga fundi i varfërisë dhe urisë, kujdesi shëndetësor dhe arsimimi i mirë deri te energjia e pastër dhe mbrojtja e biodiversitetit.

Indeksi shqyrton 56 tregues kryesorë të lidhur me gjininë në 14 nga 17 SDG-të dhe 135 vende për të cilat të dhënat për 2015 dhe 2020 janë të disponueshme, duke bërë të mundur gjurmimin e progresit. Pandemia e COVID-19 shkaktoi pengesa serioze për të drejtat e grave dhe vajzave. Në nivel global, ka pasur pak përparim në barazinë gjinore që nga viti 2015, me rezultatin e Indeksit duke u përmirësuar me më pak se dy pikë në vetëm 67.8 pikë nga 100 (ku 100 nënkupton barazi të plotë). Nëse vazhdon ky ritëm, bota do të arrijë vetëm 71 pikë nga 100 deri në vitin 2030. Megjithatë, 91 nga 135 vende po ecin në drejtimin e duhur raporton Population Matters.

Një e treta e vendeve fatkeqësisht nuk po bën përparim lidhur me barazinë gjinore, 18 vende patën rezultat të ulët, përfshirë këtu Venezuelën, Afganistanin, Algjerinë, Bjellorusinë, Kuvajtin dhe Ekuadorin. Vendet me përmirësimet më të mëdha në rezultatin e tyre të Indeksit përfshijnë Beninin (+9,3 pikë), Arabinë Saudite (+8,6 pikë), Armenia dhe Nepalin (të dyja +6,7 pikë). Mesatarisht, përmirësimi në vendet që kanë bërë përparim ishte shumë i vogël – vetëm rreth 3 pikë nga 100.

Asnjë vend i vetëm nuk ka arritur ende barazinë e plotë gjinore, por vendet skandinave marrin edhe një herë dalin me rezultatin më të mirë, me Danimarkën, Suedinë dhe Norvegjinë në tre pozicionet e para. Për të arritur barazi gjinore globale raporti propozon gjashtë zgjidhje kryesore: përmirësimin dhe zbatimin e plotë të ligjeve për barazinë gjinore, nxitjen e investimeve në shërbimet publike dhe infrastrukturën sociale, promovimin e lidershipit të grave dhe vajzave, mbylljen e boshllëqeve të të dhënave gjinore, financimin e organizatave dhe lëvizjeve feministe dhe angazhimin e grave të reja në vendimmarrje.