Pas 50 vjetësh akademia i ka kërkuar falje Sacheen Littlefeather për sjelljen diskriminuese ndaj saj

Pothuajse 50 vjet pas fjalimit të saj për Oscar, Akademia e Arteve dhe Shkencave të Filmit i ka kërkuar zyrtarisht falje Sacheen Littlefeather për diskriminimin dhe keqtrajtimin ndaj saj.

Aktorja dhe aktivistja e Apache dhe Yaqui ishte gruaja e parë vendase amerikane që u ngjit në skenën e Çmimeve të Akademisë, pasi ajo u zgjodh nga Marlon Brando për të pranuar çmimin e tij për rolin e tij në The Godfather në 1973. Brando nuk mori pjesë në Oscars të atij viti në shenjë proteste ndaj mënyrave se si Hollywood-i përshkroi dhe trajtoi popullin e Amerikës vendase.

“Unë jam duke përfaqësuar Marlon Brando këtë mbrëmje dhe ai më ka kërkuar t’ju them … se ai me shumë keqardhje nuk mund ta pranojë këtë çmim shumë bujar,” tha ajo. Littlefeather u prit me tallje dhe duartrokitje, megjithëse më pas, ajo u përball rregullisht me reagime dhe abuzime.

Në mes të qershorit, presidenti i Akademisë, David Rubin, i kërkoi një falje formale Littlefeather, ku ai e quajti abuzimin që ajo kishte pësuar si të pajustifikueshëm. Ndërsa, këtë javë akademia zbuloi planet për të organizuar një program festimi të drejtpërdrejtë me Littlefeather, duke përkujtuar kulturën e vendasve amerikanë përmes bisedës dhe reflektimit, i cili gjithashtu do të përfshijë një falje zyrtare nga Akademia.

Littlefeather, tashmë 75 vjeçare, u përgjigj në një deklaratë, duke thënë se ajo kurrë nuk e kishte pritur që një përkujtim i tillë të ndodhte.